«Махаббат толы жүрек» атты мәнерлеп оқу сайысы

2021 жылдың 9 ақпан күні М. Жұмабаев атындағы жоғары колледжде «Өзін-өзітану: махаббат пен шығармашылық педагогикасы» декадасының іс-шаралар жоспарына сәйкес «Махаббатқа толы жүрек» атты мәнерлеп оқу сайысы өтті.

Сайыстың мақсаты: студент жастардың шығармашылық әлеуетін анықтау және дамыту, студенттерді оқуға тарту.

Сайыстың негізгі міндеттері: әдеби поэтикалық шығармаларға жағымды эмоционалды қатынасты тәрбиелеу; үздік мәнерлеп оқитын студенттерді анықтау, олардың әрі қарай дамуына мүмкіндік беру.

Сайысқа колледждің 1 курс студенттері қатысты.

Сайыстың әділқазылар мүшесі:

1. Солтанова Б.Т., директордың тәрбие жұмысы жөніндегі орынбасары;
2. Жукенова Б.Г., өзін-өзі тану пәнінің оқытушысы;
3. Искакова Л.К., қазақ тілі мен әдебиеті пәнінің оқытушысы;
4. Бежик Л.П., орыс тілі мен әдебиеті пәнінің оқытушысы;
5. Мусин Б.А., қазақ тілі мен әдебиеті пәнінің оқытушысы.

Поэтикалық шығарманы орындау деңгейін әділқазылар алқасы келесі критерийлерге қатысты 5 ұпайлық көрсеткіш бойынша бағалады:

- таңдалған өлеңнің сайыс тақырыбына сәйкестігі;

- шығарманың мәтінін білу;

- сөйлеудің интонациялық мәнерлігі;

- көркемдік мәнерлігі;

- орындалатын шығарманың мазмұнына сәйкес костюмді, атрибуттарды таңдау.

Сайыстың жеңімпаздары дипломдармен және қатысушы сертификаттарымен марапатталды.

Мухамадиева А.Д., Жукенова Б.Г.,

іс-шараны ұйымдастырушылар