Аймұқан Дидар Серікұлы

Жастары мықты елдің – ертеңі жарқын.

Мен, Аймұқан Дидар Серікұлы, Мағжан Жұмабаев атындағы жоғары коллежінің 01140600 "Негізгі орта білім берудегі тіл мен әдебиетті оқытудың педагогикасы мен әдістемесі" мамандығының ІV курс студентімін. Қазақстан Республикасының колледж студенттері арасында өтетін «Қазақстан Республикасы колледждерінің үздік 100 студенті» байқауына қатысуға өз үміткерлігімді ұсынамын.

Бүгінгі күні егеменді еліміздің болашағына ойлы көзбен қарайтын, жан-жақты, қоғамға өз үлесін қосып келе жатқан жаңашыл жастардың қатарындамын.

Қазіргі таңда коллеждің өзін-өзі басқару ұйымының президенті қызметін атқарып, оқытушылар, студенттер және жастар ұйымдарымен тығыз байланыста жұмыс істеймін. Этносаралық татулық пен бірлікті нығайту мақсатында құрылған Қазақстан халқы Ассамблеясының СҚО өңірлігінің «Ассамблея жастары» ұйымының төрағасының орынбасарымын.

«Помощь рядом» еріктілер қозғалысының мүшесімін. 2024 жылы су тасқынына қарсы күрес кезінде Солтүстік Қазақстан өңіріндегі ахуалды Президент алдында баяндау маған жүктеліп, оны үлкен жауапкершілікпен атқарып, Мемлекет басшысының бағалы сыйлығы мен марапатына ие болдым.

Жастар саясаты мен интеллектуалды дамуға ерекше мән беремін. Облыстық, республикалық Дебат қозғалысының жарыстарында жүлделі орындар алып, сыни тұрғысынан ойлауы терең, белсенді, өз ойын еркін жеткізетін жеке тұлға ретінде дамып келемін.

Халықаралық «Жастар Generation - 2024» форумына қатысып, әлем жастарының маңызды мәселелерін талқылауға атсалыстым.

«Болашақ - білімді жастардың қолында» атты республикалық семинарға қатысып, «Кітап оқу» жарысында, І дәрежелі дипломмен және «Қазақстан Республикасының патриоты» төсбелгісімен марапатталдым.

«Балдәурен» республикалық оқу-сауықтыру орталығында педагогикалық отрядтар арасында өткен байқауда екі жыл қатарынан 2023, 2024 жылдары «Гран-при» иегері атанған «Жігер» тобының басшысы болдым.

«Балдәурен» республикалық оқу-сауықтыру орталығында екі рет іс-тәжірбиеден өтіп, өзімнің бойымдағы көшбасшылық және ұйымдастырушылық қабілеттерімді жетілдірдім.

Болашақта мамандығымның қыр-сырын тереңірек тануда әдебиет пен театр өнерін байланыстыру жолында Сәбит Мұқанов атындағы облыстық қазақ сазды-драма театрында Әлімбек Оразбековтың «Бір түп алма ағашы» қойылымында басты рөлдегі Ерғали бейнесін сомдап, көрерменнің қошеметіне бөлендім. Бұл менің ұлттық құндылықтарды ұлықтауға, мәдени рухани білімімді актерлік өнермен ұштастырып ішкі әлемімді байтты.

Үздіксіз даму, өз мақсаты үшін күресу әрбір еңбекқор жастың өз қолында. Мен әрдайым жаңа идеялар мен креативті ойларды қатар ұстайтын жас ретінде «Қазақстан Республикасы колледждерінің үздік 100 студенті» байқауына қатысып, егеменді елімнің жарқын болашағы үшін күресу жолында

жаңа мүмкіндіктерді ашуға ұмтыламын. Байқаудың жеңімпаздары қатарынан көрініп, алға қойған мақсаттарымның жарқын болатынына сенемін.