Мағжан Жұмабаев атындағы жоғары колледж 101 жыл

Құрметті Мағжан рухын асқақтатып, болашақ мамандарды білім нәрімен сусындатып, тәлім мен тәрбие беріп жүрген әріптестер, еліміздің болашағы, болашаққа сеніммен қарап, маман болып шығу жолындажалындап жанған жалынды жастар!
20 қараша біз үшін ұмытылмайтын күн! Бүгін білім ошағымыздың тарихының тағы бір беті парақталып, бір ғасырдың бір жылын сырғытып өткеріп отырмыз. Колледж тарихымен, жеткен жетістіктерімен Республикамыздағы ерекше оқу орны! Бұл біз үшін үлкен мәртебе.
Алдағы өмірімізде Мағжандай ұлының есімін ардақтап, еліміздің шарықтап дамуында, білім мен ғылым жолында бағындырар белестеріміз көп болсын! Білім алушы жастарымыз егеменді елімізде Мағжанның сенімін ақтап, ерік-жігері, білімімен өз ортасын сүйсіндіретін ұрпақ болсын! Еліміздің көк байрағы биікте желбіреп, әнұранымыз бейбіт күнде шырқала берсін!