«Ұстаз жолы –ұлы жол!»

2023 жылдың 5 қазанында М.Жұмабаев атындағы жоғары колледжде Ұстаздардың кәсіби мерекесіне арналған «Ұстаз жолы –ұлы жол!» атты концерт өтті.Бұл күні шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздар қауымының рөлі мен еңбегі зор екендігі аталып өтілді. ҚР Оқу-ағарту министрі Ғани Бейсембаев колледж ұжымына алғыс хат жолдады. Колледжіміздегі сөзі – маржан, үні – ән ұстаздарды мерекемен шын жүректен құттықтаймыз. Мерейлі мерекеде еліміздің өрелі де, өнегелі перзенттерін тәрбиелеуде қажырлы қайрат, еңбектеріңізге жеміс, дендеріңізге саулық, отбасыларыңызға амандық, істеріңізге сəттілік тілейміз.