"Бастауыш білім беру" мамандығы бойынша «Педагогикалық практика – болашақ маманның кәсіби құзыреттілігін арттырудың негізі»

2023 жылдың 14 сәуірінде М. Жұмабаев атындағы Жоғары колледжінде "Бастауыш білім беру" мамандығы бойынша «Педагогикалық практика – болашақ маманның кәсіби құзыреттілігін арттырудың негізі» атты студенттердің дипломалдындағы практикасының қорытынды конференциясы өтті Мақсаты: дипломалдындағы тәжірибені қорытындылау, жалпы және кәсіби құзыреттіліктерді қалыптастыру негізінде түлектердің практикалық дайындық деңгейінің сәйкестігін анықтау. Бауыржан Момышұлы «Ұстаз - ұлық емес, ұлы қызмет»,- дегендей «ҚР Білім беру мазмұнының жаңаруы» бойынша студенттеріміз өз сабақтарын жаңартылған бағдарлама негізінде сабақ құрылымымен, қандай әдіс-тәсілдерді қолданғандары жайлы таныстырды. Әдіскер Н.В. Тимошенко, А.К. Муратова студенттердің дипломалды практикасының жұмыстарын талдай отырып, педагогикалық практикаға жалпы баға берді. Сонымен қатар «№7 орта мектебінің»КММ бастауыш сынып мұғалімі Е.М. Сенкина және «Мағжан Жұмабаев атындағы IT мектеп-лицейінің» КММ бастауыш сынып бойынша оқу-тәрбие ісінің меңгерушісі М.Т. Бакеева студенттердің тәжірибеде атқарған жұмыстарын бағалап, кеңестер мен ұсыныстар берді. Конференция соңында директордың оқу-өндірістік практика жөніндегі орынбасары А. М. Жакина дипломалдындағы практиканы қорытындылап, студенттерге қазіргі әлемдегі бәсекеге қабілетті маман болуларына жылы лебізін білдірді. Болашақ ұстаздарға жақсы маман иелері атануға тілектеспіз. Барлықтарыңызға сәттілік!