Жадымыз жылдар бойы өшпейді

2023 жылғы 4 мамырда М.Жұмабаев атындағы жоғары колледжде «Жадымыз жылдар бойы өшпейді» деген тақырыпта ерлік сабағы өтті. Шақырылған қонақтар Ауғанстан және жергілікті соғыс ардагерлері одағының төрағасы Е.И.Татыбаев және Таулы Қарабахтағы ұлтаралық қақтығыстардағы әскери іс-қимылдардың ардагері, отставкадағы полиция капитаны Н.Ж.Ракишев әскери тәжірибелері туралы, әскери борышын өтеу кезіндегі бастан кешкен қиындықтары, жауынгерлердің достығы мен ерлігі туралы әңгімеледі. Сондай-ақ әскери қызметкерлердің естеліктерінен де әсерлі әңгімелер айтылды. Колледж студенттері ықыласпен сұрақтар қойды, әңгімелесу достық және еркін қарым-қатынаста өтті.