"Жаңартылған білім мазмұны жағдайында колледждің оқу үдерісін ұйымдастыру"

2022 жылдың 18 қаңтарында М.Жұмабаев атындағы жоғары колледжде Жас педагогтар мектебі аясында колледждің Жас педагогтарымен отырыс өтті.

Отырысқа қатысқандар:

1. Валеева Айнур Канатовна, Петропавл қ. «Білім беру саласындағы әдістемелік жұмыс және ақпараттық технологиялар орталығы» КММ техникалық және кәсіптік білім беру әдіскері;

2. Рысева Н.В., директордың оқу ісі жөніндегі орынбасары;

3. Иманкулова А.С., директордың оқу-әдістемелік жұмысы жөніндегі орынбасары.

Семинардың тақырыбы: «Жаңартылған білім беру мазмұны жағдайында колледждің оқу үдерісін ұйымдастыру».

Мақсаты: білім беру мазмұнын жаңарту контексінде колледж оқытушыларының педагогикалық шеберлігін жетілдіру.

Міндеттері:

1) колледждің оқу-тәрбие үрдісінде жаңартылған білім беру мазмұны стратегиялары мен техникаларын қолдану қажеттілігі мен маңыздылығын ұғыну;

2) оқыту мен оқытуда және оқу сабақтарын жобалауда жаңа тәсілдерді қолдану бойынша әріптестермен жұмыс тәжірибесімен алмасу;

3) семинарға қатысушылардың барлығының белсенді қарым-қатынасы үшін жағдай жасау, колледждің білім беру үдерісінде заманауи технологияларды қолдануға педагогтердің ынтасын арттыру;

4) білім беру мазмұнын жаңарту мәселелерін шешу кезінде пікірлестер командасын құру;

Бірінші сұрақ бойынша колледж әдіскері А.Д.Мухамадиева сөз сөйледі, ол жаңартылған білім беру мазмұны жағдайында колледждің оқу үдерісін ұйымдастырудағы негізгі тәсілдерімен таныстырды.

Екінші мәселе бойынша тарих пәнінің мұғалімі А.Е. Кабдуллина сөз сөйлеп, жаңартылған білім беру жағдайында оқу сабақтарын жобалау ерекшеліктері туралы айтып берді.

Семинар қорытындысы бойынша оқытушыларға әдістемелік ұсынымдар берілді:

1. колледж оқытушыларына білім алушылардың оқу жетістіктерін бағалаудың жаңа педагогикалық тәсілдерін, түрлі тәсілдері мен нысандарын белсенді енгізу;

2. жаңартылған оқыту жағдайында оқу сабақтарын жобалау бойынша жүйелі, дәйекті жұмысты жүзеге асыру;

3. жеке, дербес, топтық жұмыс, сараланған тәсіл, ойын арқылы студенттердің оқу процесіне қызығушылығын арттыру, сабақта сәттілік жағдайын жасау;

4. оқу сабақтарында жаңартылған білім мазмұны жағдайында білім алушылардың белсенді танымдық іс-әрекеті үшін ақпараттық-коммуникациялық технологияларды, онлайн-ресурстарды кеңінен қолдану;

5. студенттерді өз бетінше оқып-үйренуге және болашақ таңдаған мамандығы бойынша білімін жалғастыруға қажетті жоғары тәртіптегі дағдыларын қалыптастыруға бағдарлана отырып даярлауды жүзеге асыру;

6. жас мамандарда үздіксіз өз бетінше білім алу, білім алушыларды оқыту мен тәрбиелеудің жаңа нысандарын, әдістерін, тәсілдерін меңгеру, теориялық білімді практикалық іске асыру дағдысын қалыптастыруды жалғастыру;

7. дидактикалық материалдарды, электронды оқу материалдарын, колледж оқытушыларының оқу-әдістемелік кешендерін жаңарту бойынша жұмысты жалғастыру.